Жаргалант сумын ӨЭМТ-ийг өргөтгөлөө
ОРОН НУТГИЙН МЭДЭЭ | ОРХОНОрхон/МОНЦАМЭ/. Улсын төсвийн 500 сая төгрөгийн хөрөнгө оруулалтаар Жаргалант сумын Өрхийн эрүүл мэндийн төвийг өргөтгөлөө.
Өргөтгөлийн хэсэгт амбулатори, өдрийн эмчилгээ,
яаралтай тусламж үйлчилгээний хэсэг ажиллана. Мөн шүдний кабинет ч нээсэн
байна. Тус сум 3500 гаруй хүн амтай ч Эрдэнэт хотоос 30 км-ийн зайтай бөгөөд иргэд эрүүл мэндийн хоёр дахь шатлалын тусламж үйлчилгээ болон хэвтэн эмчлүүлэхдээ
Баян-Өндөр сумын эмнэлгийг зорьдог байсан юм. Тэгвэл шинэ өргөтгөл ашиглалтад
орсноор хэвтэн эмчлүүлэх боломж бүрдэж байна.
Шинэ өргөтгөлийн нээлтийн үеэр
ЭМЯ-наас 53 сая төгрөгийн хөрөнгө оруулалтаар шүдний кабинет, улсын төсвийн 118
сая төгрөгөөр лабораторийн тоног төхөөрөмж өгснийг аймгийн удирдлагууд сумын
ӨЭМТ-ийн эмч нарт гардуулан өглөө.