Монголын шүүгч Э.Саруул "Токио-2020" байт харвааны шигшээ тэмцээнийг шүүв

dusem11@yahoo.com

2021-08-01 13:21:22

Улаанбаатар /МОНЦАМЭ/. Байт харвааны эрэгтэйчүүдийн ганцаарчилсан төрлийн финал тун өрсөлдөөнтэй явагдсан бөгөөд халз уг тэмцээнийг Монголын шүүгч Энхбатын Саруул дэнсэлж, Монголын байт харвааны түүхэнд шинэ хуудас бичжээ.

Тус тэмцээнд Туркийн Мете Газоз Италийн Мауро Несполиг 6:4-өөр хожин аваргалсан бөгөөд 22 настай залуу харваачийн ачаар Турк улс байт харваагаар анх удаа олимпоос алтан медаль хүртсэн юм.

Манай байтынхан энэ удаагийн олимпод анх удаа шүүгчээ илгээсэн төдийгүй Монгол шүүгч шигшээ харвааг шүүсэн нь түүний ямар чансаатай байгааг харууллаа.

Э.Саруул Франц, Англи хэлтэй бөгөөд 2013 онд Монголд болсон Азийн Гран при тэмцээн, 2015 онд АНУ-д зохиогдсон Өсвөр үе, залуучуудын ДАШТ, 2016 онд Монголд зохион байгуулагдсан Оюутны ДАШТ, тэр жилээ Шанхайн Дэлхийн цом, 2018 онд Аргентиний Буэнос-Айрес хотноо болсон Залуучуудын олимпын наадамд шүүгчээр ажиллаж байв. Харин энэ удаа зуны олимпын наадмын финалыг дэнслэн шүүж, дэлхийд данстай шүүгч гэдгээ баталлаа.

Монголын шүүгч Э.Саруул "Токио-2020" байт харвааны шигшээ тэмцээнийг шүүв

Холбоотой мэдээ

Пара сэлэмчид Азийн аварга шалгаруулах тэмцээнд оролцоно

Манай дөрвөн бөхөд олимпын эрхээ авахад нэг даваа үлдлээ

Жүдо бөхийн Азийн аварга шалгаруулах тэмцээн маргааш эхэлнэ

Өнөөдөр чөлөөт бөхийн эрэгтэйчүүд Олимпын эрхийн төлөө барилдана

Говьсүмбэрийн арслангууд Увсын хүчтэнүүдийг ялж, их шөвөгт үлдлээ

Я.Содбаатар: 2028 оны олимп угтсан олон улсын тэмцээнүүдээс эх орондоо зохион байгуулах хүсэлт хүргүүлэв

Чөлөөт бөхийн олимпын эрхийн тэмцээн маргааш эхэлнэ

Сагсан бөмбөгийн 3х3-ын шигшээ багийнхныг “Go Mongolia” элчээр өргөмжиллөө

Монголын хөлбөмбөгийн шигшээ баг Камбожтой тоглоно

бидэнтэй нэгдэх

Хандалт