Улаанбаатар
АНУ-ын Төрийн нарийн бичгийн даргын орлогч БНХАУ-д айлчилна
ДЭЛХИЙН МЭДЭЭ | УЛС ТӨР
БЭЭЖИН. /SCMP/.
АНУ-ын Төрийн нарийн бичгийн даргын
орлогч Уэнди Шерман Монгол Улсад айлчилсныхаа дараа БНХАУ-ын Гадаад хэргийн
сайд Ван Итэй уулзахаар ирэх долоо хоногийн эхээр Тяньжинь хотод айлчилна.
Төрийн
департаментаас лхагва гарагт гаргасан мэдэгдэлд дурдсанаар, хоёр талын хэлэлцээ
нь АНУ-ын ашиг сонирхол, үнэт зүйлсийг ахиулах, харилцааг хариуцлагатайгаар
зохицуулахад БНХАУ-ын төлөөлөгчидтэй илэн далангүй хэлэлцээ хийх АНУ-ын хүчин
чармайлтын нэгээхэн хэсэг ажээ.
“Төрийн нарийн
бичгийн даргын орлогч мөн БНХАУ-ын явуулж буй үйл ажиллагаанд ихээхэн санаа
зовниж буй хийгээд ашиг сонирхол нэгдэж буй бүс нутгуудын талаар хэлэлцэнэ” гэж
уг мэдэгдэлд тэмдэглэсэн байна.
БНХАУ-ын Гадаад
хэргийн яамны мэдээлснээр, АНУ-ын асуудал эрхэлсэн Гадаад хэргийн дэд сайд Се
Фэн У.Шермантай ням, даваа гарагт хийх айлчлалынх нь үеэр уулзах ажээ.
