Улаанбаатар
Улаанбурхан өвчнөөр 147 хүн эмчлүүлж байна
МОНГОЛЫН МЭДЭЭ | ЭРҮҮЛ МЭНД
Улаанбаатар, 2025 оны долоодугаар сарын 24 /МОНЦАМЭ/. Улсын хэмжээнд энэ сарын 24-ний байдлаар, улаанбурхан өвчний 12852 тохиолдол бүртгэгдснийг ХӨСҮТ-өөс мэдээлэв.
Үүний 90 орчим хувь нь
буюу дийлэнх нь эдгэсэн бол 10 хүн халдварын шалтгаанаар нас барсан. Халдварын
тархалтын 40 орчим хувь нь 10-14 насны
хүүхдүүдийн дунд бүртгэгдсэн бөгөөд нийт 4929 хүүхэд өвчилсөн байна. Одоогоор
эмнэлэгт 147, гэрээр 122 хүн эмчлүүлж
буй аж.
Улаанбурхан өвчин халдварлалт өндөртэй ч үүнээс урьдчилан сэргийлэх боломжтой. Хэрэв та батлагдсан
тохиолдолын хавьтал болсон ч энэ өвчнөөр өвдөөгүй бол 72 цагийн дотор вакцинд
хамрагдан өөрийгөө болон бусдыг хамгаалах боломжтойг ХӨСҮТ-өөс тодотгов.
