Улаанбаатар
Солонгосын хойгт энх тайвныг цогцлоох чиглэлд үргэлжлүүлэн хамтран ажиллана
Дэлхийд | Улс төр
СӨҮЛ. /Reuters/.
БНСУ-ын Ерөнхийлөгч Мүн Жэ Ин
Солонгосын хойгт энх тайвныг цогцлоож, дайныг дуусгавар болгох чиглэлд БНХАУ-тай
үргэлжлүүлэн хамтран ажиллана гэж пүрэв гарагт хэлснийг Хөх ордон уламжилжээ.
Мүн Жэ Ин БНХАУ-ын Гадаад хэргийн сайд Ван Итэй уулзах үеэрээ ийнхүү хэлжээ. БНСУ-д лхагва гаргийн орой хүрэлцэн ирсэн Ван И, коронавирусний цар тахлыг даван туулсны дараа хоёр талын түншлэлийн харилцаа улам бэхжинэ гэдгийг онцлон хэлсэн байна.
Тэрбээр мөн БНСУ-ын
Гадаад хэргийн сайд Кан Кюн Ватай уулзаж, хоёр талын харилцааг бэхжүүлж,
БНАСАУ-тай өрнүүлэх цөмийн хэлэлцээ, коронавирусний цар тахал зэрэг бүс нутаг,
олон улсад тулгамдаж буй асуудлуудыг зохицуулах чиглэлд хамтран ажиллахаа
амлажээ.
Мөн талууд
БНХАУ-ын дарга Ши Жиньпиний БНСУ-д хийх айлчлалын талаар хэлэлцэхээр
тохиролцжээ. Ши Жиньпин БНСУ-д энэ оны эхээр айлчлахаар төлөвлөж байсан боловч
цар тахал дэгдсэний улмаас хойшлуулсан билээ.
Холбоотой мэдээ
