Умард Солонгосын Гадаад хэргийн сайд Бээжинд иржээ
ДЭЛХИЙН МЭДЭЭ | УЛС ТӨРБЭЭЖИН. /Yonhap/. Умард Солонгосын Гадаад хэргийн сайд Ри Сү Ён энэ долоо хоногийн сүүлчээр Нью-Йорк хотод айлчлах замдаа өчигдөр Бээжин хотод ирсэн байна.
Тэрбээр өчигдөр БНХАУ-ын нийслэл Бээжин хотын олон улсын нисэх онгоцны буудалд бууж, БНАСАУ-аас БНХАУ-д суугаа Элчин сайдын яамны машинд сууж явжээ.
Уур амьсгалын өөрчлөлтийн асуудлаарх Киотогийн протоколыг шинэчлэх тухай 12 дугаар сард баталсан Парисын хэлэлцээрт гарын үсэг зурах ёслол энэ баасан гарагт Нью-Йорк хотноо болох бөгөөд ёслолд Умард Солонгосын Гадаад хэргийн сайд оролцоно гэж НҮБ-ын хэвлэлийн төлөөлөгч мэдэгджээ.
БНАСАУ-ын эрх баригч намын их хурал ирэх сард болохоос өмнө тав дахь цөмийн туршилтаа хийж магадгүй гэсэн дохиог Умард Солонгосын зүгээс өгч байгаа энэ үед Ри Сү Ён Нью-Йорк хотод айлчлал хийхээр болсон байна.
Д.Нямтулга