Улаанбаатар
Мал, амьтаны сэг зэмийг цэвэрлэв
ОРОН НУТГИЙН МЭДЭЭ
Дорноговь аймгийн Засаг даргын захирамжийн дагуу албаныхан мал, амьтаны халдварт өвчнөөс урьдчилан сэргийлэх, мал, амьтаны хүүр, сэг зэмийг устгах ажлыг энэ оны 03 дугаар сарын 01-нээс эхлэн аймгийн хэмжээнд зохион байгуулж байна.
Сайншанд-Даланжаргалан, Сайншанд-Замын Үүдийн чиглэлийн босоо тэнхлэгийн улсын чанартай авто замын орчимд хорогдсон мал, амьтаны хүүр, сэг зэмийг цэвэрлэх ажилд орон нутгийн “Чандмань Илч” ХХК, авто зам арчлалын “АЗЗА” ХХК-ийн мэргэжлийн ангийн бүрэлдэхүүн, техник хэрэгслийг дайчиллаа.
Мөн 194 бог, 105 бод, 457 зээр, таван шувуу, зургаан нохой зэрэг нийт 767 мал, амьтны сэг зэмийг цэвэрлэж, халдваргүйжүүлэлт хийв.
Х.Эрдэнэбулган
