Улаанбаатар
Гамшгийн үеийн дуут дохиогоор жагслаа
ОРОН НУТГИЙН МЭДЭЭ | УВС
Увс /МОНЦАМЭ/. Аймгийн Онцгой комисс, орон нутгийн гамшгаас хамгаалах алба, мэргэжлийн анги, төрийн болон төрийн бус байгууллага, аж ахуйн нэгжийн ажилтан албан хаагчид, мэргэжлийн байгууллагууд 10 дугаар сарын 05-ны өглөөний орон нутгийн 7 цагт гамшгийн дуут дохиогоор Гамшгаас хамгаалах бэлэн байдлын үзлэгт жагслаа.
Энэ үеэр ОБЕГ-ын тэргүүн дэд дарга, бригадын генерал Б.Ариунбуян, Увс аймгийн Онцгой комиссын дарга, аймгийн Засаг дарга Д.Батсайхан, ИТХ-ын дарга Э.Насанбат нар болон ОБЕГ-ын ажлын хэсэг нийт бие бүрэлдэхүүний бэлэн байдлыг шалгаж, Гамшгаас хамгаалах иж бүрэн сургуулийн үеэр хэрхэн ажиллах талаар үүрэг чиглэл өглөө. Аравдугаар сарын 05-ны өглөөнөөс эхэлж гурван өдрийн хугацаанд иж бүрэн сургуулилт
Увс аймагт явагдана.
Өглөөний орон нутгийн 10 цагийн үед Улаангом сумын 11 дүгээр багийн 4-17 тоотод иргэн Батсүхийн хашаанд жорлонд үхэр унасан байна гэсэн дуудлага ирсний дагуу Увс аймгийн ОБГ, Улаангом сумын ЗДТГ-ын аврах анги шуурхай ажиллаж аврах үйл ажиллагааг амжилттай зохион байгууллаа.
Аравдугаар сарын 06-ны өглөө орон нутгийн 07.00 цагт гамшгийн дуут дохио дахин дуугарах бөгөөд энэ үеэр аймгийн төв болох Улаангом сумын 12 багийн иргэд дөрвөн цэгт нүүн шилжих ажиллагаа явагдана. Харин 7-нд Тариалан сумын ард иргэдийг нүүн шилжүүлэх үйл ажиллагаа явагдсанаар гамшгийн иж бүрэн сургуулилт албан ёсоор өндөрлөнө.
Б.Батхүү
