Улаанбаатар
Шонхор шувуу барихаар ирсэн Араб иргэдээс галт зэвсэг илэрчээ
ОРОН НУТГИЙН МЭДЭЭ | СҮХБААТАР
Сүхбаатар /МОНЦАМЭ/. Өнгөрсөн амралтын өдрүүдэд Сүхбаатар аймгийн нутаг дэвсгэрт шонхор шувуу барих үйл ажиллагаа явуулж буй отгуудад хяналт, шалгалт хийжээ. Шалгалтаар олон төрлийн зөрчил илэрсэн бөгөөд отгуудад байрлах Араб иргэдээс галт зэвсэг хүртэл гарч ирсэн байна.
Аймгийн засаг даргын орлогч Т.Мөнхболдоор ахлуулсан ажлыг хэсэгт Монголын жигүүртэн амьтдыг хамгаалах ТББ, Монголын сайтуудын холбооны төлөөлөл, аймгийн Цагдаагийн газрын алба хаагчид багтжээ.
Хяналт, шалгалтын талаарх мэдээллийг аймгийн засаг даргын орлогч Т.Мөнхболд өглөө. Тэрээр, Ажлын хэсэг хоёр хоногийн хугацаанд Мөнххаан сумын долоо, Уулбаян сумын хоёр отогт шалгалт хийхэд маш олон зөрчил илэрлээ. Отог бүрт барих шонхор шувууны тоо хэмжээг заагаад өгсөн ч түүнийг хэтрүүлсэн, шонхроос гадна тагтаа, ногтруу шувуудыг их хэмжээгээр барьж агнасан, ашиглаж буй техник хэрэгслүүдийн ашиглалтын зөвшөөрлийн гэрчилгээ учир дутагдалтай гэх мэт алдаа дутагдлууд гарсан байна. Нэг отог дээр л 2-3 Араб иргэн байхаас гадна зарим нь галт зэвсэг биедээ авч явж байгааг илрүүлсэн. Үүн дээр ажлын хэсэг онцгой анхаарал хандуулж байна. Тиймээс бид энэ ажлыг цэгцлэх үүднээс отог бүрээс төлөөллийг авчирч уулзан, аймгийн Мэргэжлийн хяналтын газар, Цагдаагийн газруудаас холбогдох зөрчлүүдийг арилгуулах талаар үүрэг чиглэл өглөө. Зөрчил арилгах ажлын хүрээнд дээрх отгууд Мөнххаан, Уулбаян сумдын төсөвт 100 орчим сая төгрөгийг төвлөрүүлэх ёстой. Эдгээрийг хэрэгжүүлсний дараа отгуудын үйл ажиллагааг дахин эхлүүлэх чиглэлтэй байна.” гэв.
Аймгийн засаг даргын орлогч Т.Мөнхболдоор ахлуулсан ажлыг хэсэгт Монголын жигүүртэн амьтдыг хамгаалах ТББ, Монголын сайтуудын холбооны төлөөлөл, аймгийн Цагдаагийн газрын алба хаагчид багтжээ.
Хяналт, шалгалтын талаарх мэдээллийг аймгийн засаг даргын орлогч Т.Мөнхболд өглөө. Тэрээр, Ажлын хэсэг хоёр хоногийн хугацаанд Мөнххаан сумын долоо, Уулбаян сумын хоёр отогт шалгалт хийхэд маш олон зөрчил илэрлээ. Отог бүрт барих шонхор шувууны тоо хэмжээг заагаад өгсөн ч түүнийг хэтрүүлсэн, шонхроос гадна тагтаа, ногтруу шувуудыг их хэмжээгээр барьж агнасан, ашиглаж буй техник хэрэгслүүдийн ашиглалтын зөвшөөрлийн гэрчилгээ учир дутагдалтай гэх мэт алдаа дутагдлууд гарсан байна. Нэг отог дээр л 2-3 Араб иргэн байхаас гадна зарим нь галт зэвсэг биедээ авч явж байгааг илрүүлсэн. Үүн дээр ажлын хэсэг онцгой анхаарал хандуулж байна. Тиймээс бид энэ ажлыг цэгцлэх үүднээс отог бүрээс төлөөллийг авчирч уулзан, аймгийн Мэргэжлийн хяналтын газар, Цагдаагийн газруудаас холбогдох зөрчлүүдийг арилгуулах талаар үүрэг чиглэл өглөө. Зөрчил арилгах ажлын хүрээнд дээрх отгууд Мөнххаан, Уулбаян сумдын төсөвт 100 орчим сая төгрөгийг төвлөрүүлэх ёстой. Эдгээрийг хэрэгжүүлсний дараа отгуудын үйл ажиллагааг дахин эхлүүлэх чиглэлтэй байна.” гэв.
Т.Одончимэг
