Улаанбаатар
Загвар өмсөгчид хөхөөр хооллолтыг дэмжиж байна
ДЭЛХИЙН МЭДЭЭ | СОЁЛ УРЛАГ
МОСКВА. /ЛЕНТА/. “Victoria's Secret”-ийн сахиусан тэнгэрүүд болох Даутцен Крез, Кэндис Свейнпол нар хөхөөр хооллодог эхчүүдийг дэмждэгээ “Инстаграм” хуудастаа оруулсан зурагнуудаараа илэрхийлж байна.
Өдгөө хоёр хүүхэдтэй загвар өмсөгч Даутцен Крез хүүхдийг хөхөөр хооллохын ашиг тусыг сайшаадгаа хэлсэн байна. "Нийгэм хөхөөр хооллох асуудлыг нэлээд бэрхшээлтэй байдалд хүргэж байна. Зарим эмэгтэй хөхөөр хооллох боломжгүй байдаг. Ийм үр дүнд хүрсэн нь эмэгтэй хүн, эх хүн, түүний бие махбодийг үл хүндэтгэдэг нийгмийн соёл, улс төрийн алдаа юм. Нийгмийн асуудлуудаас гадна хүүхдээ хөхүүлэх үедээ эмэгтэйчүүд бие физиологийн зарим хүндрэлүүдтэй тулгарч байна” хэмээн Д.Крез “Инстаграм” хуудастаа бичжээ.
Дашрамд дурдахад, Флоридад өнгөрсөн 7 дугаар сард болсон усны хувцасны үзүүлбэр дээр Америкийн загвар өмсөгч Мара Мартин Флусны 5 сартай хүүхдээ хөхүүлэнгээ индэр дээр гарсан байна.
Э.Аянзаяа
