Цагаан сарын баярыг гэр бүлийн хүрээнд цомхон тэмдэглэхийг уриаллаа

ОРОН НУТАГТ | Хөвсгөл
gantuyaB@montsame.mn
2022-01-16 20:22:25

Хөвсгөл /МОНЦАМЭ/. Хөвсгөл аймгийн Онцгой комисс хуралдаж, аймгийн хэмжээнд коронавируст халдварын тохиолдол эрс нэмэгдэж буй учраас Цагаан сарын баярыг нийтээр тэмдэглэхгүй, зөвхөн гэр бүлийн хүрээнд цомхон тэмдэглэж өнгөрүүлэхийг иргэд, олон нийтэд уриаллаа.

Мөн бүх шатны төрийн болон төрийн бус байгууллага, аж ахуйн нэгж, нутгийн зөвлөлийн болон хамт олны золголт хийхгүй байхыг байгууллагын дарга, захирал нарт үүрэг болгосон байна. Тус аймагт уралдаан тэмцээн, урлаг спорт, хурал зөвлөгөөн, сургалтыг зохион байгуулахдаа аймгийн Шуурхай штабаас зөвшөөрөл авч, танхим дүүргэлтийг 50 хувиас хэтрүүлэхгүй, вакцинжуулалтын нэмэлт тундаа хамрагдсан эсэхийг нягтлан, халдвар хамгааллын дэглэмийг баримталж ажиллахыг анхаарууллаа.

 

Холбоотой мэдээ