Гэр хороолол, авто замын гэрэлтүүлгийг нэмэгдүүлжээ
ОРОН НУТГИЙН МЭДЭЭ | СҮХБААТАРСүхбаатар /МОНЦАМЭ/. Улс, аймаг
орон нутгийн төсвийн хөрөнгөөр аймгийн төвийн гэрэлтүүлгийг нэмэгдүүлжээ. Энэхүү
ажилд 500 орчим сая төгрөг зарцуулсан бөгөөд ингэснээр Баруун-Урт суманд
харанхуй гудамж, зам талбай үгүй болов.
Гэр хорооллын гэрэлтүүлгийн иж бүрэн шинэчлэлтэй холбоотойгоор өмнө нь 36 байсан цахмагт гэрэлтүүлгийг 84 болгон нэмэгдүүлснээр Баруун-Урт суманд 120 гэрэл асдаг болов. Харин авто зам дагуух гэрэлтүүлэг 823 байсныг 289-өөр нэмэгдүүлж, нийт 1112 ширхэг гэрэлтүүлэгтэй болов. Гэрэлтүүлэгт шаардлагатай бараа материалыг "Повертүүл" ХХК нийлүүлж, орон нутгийн "Уртын гэгээ" ОНӨҮГ угсралт, суурилуулалтын ажлыг гүйцэтгэсэн байна.