Үндэсний шилдэг багшийн гурав нь Хэнтий аймгаас шалгарлаа

Орон нутагт | Хэнтий
odontungalag@montsame.mn
2021-09-08 11:50:46
Хэнтий /МОНЦАМЭ/ Боловсрол, шинжлэх ухааны яам, “Багшийн хөгжлийг дэмжих боловсрол” сан хамтран зохион байгуулсан Үндэсний шилдэг багш шалгаруулалтын эхний шатанд Хэнтий аймгаас гурван багш шалгарчээ.
Үндэсний шилдэг багш шалгаруулалтад 21 аймаг, 9 дүүргээс нийт 630 багш оролцсон бөгөөд шилдэг 50-д Хэнтий аймгийн лаборатори Нэгдүгээр сургуулийн бага ангийн багш О.Ууганцэцэг, Нэгдүгээр сургуулийн Химийн багш Д.Мөнхдалай, “Тэмүүжин” цогцолбор сургуулийн бага ангийн багш Д.Цэнгэл нар шалгарсан байна.
Энэхүү арга хэмжээг дэлхийн Шилдэг багш /Global teacher prize/ шалгаруулалтыг зохион байгуулагч Английн “Варки” сантай байгуулсан санамж бичгийн дагуу олон улсын аргачлалаар зохион байгуулж байгаа бөгөөд хоёрдугаар шатанд шалгарсан 10 багшийн материалыг Дэлхийн шилдэг багш шалгаруулалтад илгээх аж.
Холбоотой мэдээ