Улаанбаатар
Эхний 5 тохиолдлын нийт 316 хавьтлыг тусгаарлажээ
ОРОН НУТГИЙН МЭДЭЭ | АРХАНГАЙ
Архангай /МОНЦАМЭ/. Аймгийн Нэгдсэн эмнэлгийн ажилчдад тандалтын
зорилгоор 3-р сарын 24-ний өдөр нийт 95 хүний сорьцод PCR шинжилгээ хийхэд 2
тохиолдол батлагдсан.
- Батлагдсан 2 тохиолдлоос тархвар судалгааны асуумж авч,
Нэгдсэн эмнэлгийн бусад ажилтан, нийт хэвтэн эмчлүүлэгч гэсэн нийт 389 иргэнээс
шинжилгээ авахад 3 тохиолдол 3-р сарын 25-ны өдөр шинээр
бүртгэгдлээ.
- Ийнхүү Нэгдсэн эмнэлгийн батлагдсан 5 тохиолдлын голомтын цар
хүрээг тогтоох тандалт судалгааг хийж, ойрын хавьтлын 221, дам хавьтлын 95
хүнийг тогтоон тусгаарлалтад аваад байна.
- 2021 оны 3 дугаар сарын 25-ны өдөр батлагдсан
тохиолдлууд болох Нэгдсэн эмнэлгийн 5 ажилтны гэр бүл, найз нөхдийн ойрын
хавьтал 68, дам хавьтал болох 61, нийт 129 хүнээс PCR шинжилгээний сорьц
цуглуулж, шинжилгээний хариугаар 12 тохиолдол шинээр батлагдлаа.
- Ийнхүү Архангай аймагт,
Хайрхан сумын-1, Эрдэнэбулган сумын 17, нийт 18 тохиолдол батлагдаад байна.
Шинээр батлагдсан тохиолдлуудын ойрын болон дам хавьтлуудыг
тогтоох тандалт судалгаа үргэлжилж байна.
