Иргэдийн өргөдөл, гомдлыг цахимаар хүлээн авч байна
ОРОН НУТГИЙН МЭДЭЭ | ГОВЬ-АЛТАЙГовь-Алтай /МОНЦАМЭ/. Говь-Алтай аймгийн ЗДТГ ард иргэдийн өргөдөл, гомдлыг утсаар болон цахимаар хүлээн авч байна.
Ард иргэдэд төрийн үйлчилгээг чирэгдэлгүй, түргэн шуурхай хүргэх зорилгоор тус аймгийн ЗДТГ-аас иргэдийн санал гомдлыг Төрийн үйлчилгээний нэгдсэн төвийн иргэдээс санал гомдол, өргөдөл хүлээн авах нээлттэй утас 7048-1111 утас ажлын өдрүүдэд 09:00-13:00, 14:00-18:00 цагийн хооронд тогтмол ажиллаж байгаа бөгөөд үүнтэй зэрэгцэн цахимаар хүлээн авдаг болоод байгаа билээ. Тухайлбал, 7048-1111 дугаарын утсаар 9424-4270 дугаарт мессэжээр, “ГОВЬ-АЛТАЙ АЙМГИЙН ЗАСАГ ДАРГЫН ТАМГЫН ГАЗАР” фэйсбүүк хуудсаар, urgudul@govi-altai.gov.mn и-мэйл хаягаар тус тус иргэдийн санал гомдлыг хүлээн авч ажлын тав хоногт шийдэж байгаа ажээ. Иймд тус аймгийн төрийн байгууллагатай холбоотой санал хүсэлтээ дээрх сувгуудаар ирүүлэхийг холбогдох албанаас мэдээлсэн юм.