Улаанбаатар
Замын-Үүдэд осолдсон иргэдийг ГССҮТ-д эмчилж байна
МОНГОЛЫН МЭДЭЭ | ЭРҮҮЛ МЭНДУлаанбаатар /МОНЦАМЭ/. Дорноговь аймгийн Замын-Үүд суманд осолд орсон иргэдэд орон нутгийн эмнэлгээс анхан шатны тусламж үзүүлэн, ЭХО, рентген оношилгоо хийжээ.
Өчигдөр орой 37 өвчтөнийг галт тэргээр Улаанбаатарт авчирч, ГССҮТ-д эмнэлгийн тусламж үйлчилгээ үзүүлсэн байна. Тус төвийн эмчилгээний
тасагт хүнд гэмтсэн, тархи нугасны гэмтэлтэй, мөч хугарсан 20 хүнийг хэвтүүлсэн бол 4 өвчтөн оношилгооны түвшинд, бусад гэмтэл
багатай өвчтөнүүдэд зөвлөгөө өгч, эмчийн хяналтад оруулжээ.
Замын-Үүд суманд байгаа 3 өвчтөнийг авахаар ГССҮТ-ийн гавал
тархины гэмтэл болон эрчимт эмчилгээний эмч, сувилагч нар орон
нутгийг зориод байна. Тэд өнөөдөр Улаанбаатарт
газардах юм.
Улаанбаатараас Замын-Үүд чиглэлийн нийтийн тээврийн автобус энэ сарын найманд Замын-Үүд сум руу орох хаалга мөргөж, ослын газарт хоёр хүн амиа алдан, 45 хүн хүнд болон хөнгөн гэмтсэн юм. Тус хаалга нь Замын-Үүд сумаас 10 км зайд оршдог аж.
