Улаанбаатар
НИТХ дахь МАН-ын бүлэг түр завсарлага авчээ
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. Монгол Улсын Ерөнхий сайд У. Хүрэлсүхээс хүргүүлсэн саналын дагуу Нийслэлийн иргэдийн хурлын тэргүүлэгчид хуралдаж, ээлжит бус хуралдааныг зарласан. Тэгвэл өнөө өглөөний 9 цаг 30 минутанд товлосон тус хурал 15.00 цаг хүртэл хойшлов.
НИТХ дахь МАН-ын бүлэг нь саналаа нэгтгээгүй, нөгөө талаар дотоод зохион байгуулалтын асуудал хэлэлцэх учраас хурлыг хойшлуулсан хэмээн НИТХ-ын дарга С. Амарсайхан хэвлэлийнхэнд мэдээлэл өгөв. Харин Нийслэлийн Засаг дарга С.Батболд УИХ дахь МАН-ын бүлгийн хуралдаанд оролцож буй аж.
Улаанбаатар хотын ирэх оны төсвийг хуулийн хүрээнд хоёр хоногийн дараа өргөн барих бөгөөд хот удирдлагагүй байж болохгүй гэсэн саналыг зарим төлөөлөгчид тавьжээ.Тиймээс саналаа нэгтгэж, НИТХ-аар хотын даргын асуудлыг хэлэлцэхээр НИТХ дахь МАН-ын бүлэг түр завсарлага авчээ.
