Улаанбаатар
487 иргэний амь насыг авран хамгаалсан байна
ОРОН НУТГИЙН МЭДЭЭ | СЭЛЭНГЭ
Сэлэнгэ /МОНЦАМЭ/. Сэлэнгэ аймгийн Онцгой байдлын газрын алба хаагчид энэ сарын 07, 08-ны өдрүүдэд тохиолдсон цаг агаарын аюулт үзэгдэлийн үеэр цасанд суусан, төөрсөн, замын хажуу руу орсон гэх дуудлагуудын дагуу ажиллаж, нийт 487 иргэний амь насыг авран хамгаалсан байна.
Тухайлбал Сэлэнгэ аймгийн Баянгол сум дахь Гал түймэр унтраах, аврах 40-р ангийн алба хаагчид тус сумын Хараа багийн “Хустайн даваа”, “Сэтэрхийн хөтөл”, “124-ын даваа”, “Тахилтын даваа” Гонир багийн “Бөө булгийн даваа” гэдэг газруудад их цас орсны улмаас автозамын зорчих хэсэг мөстөж, тээврийн хэрэгсэл зорчиход хүндрэл үүссэн, замын зорчих хэсгийг хааж автомашин зогссон, замын хажуу руу автомашин гулсан орсон тухай дуудлагаар нийт 443 хүнийг аварч, 102 автомашиныг цаснаас татан гаргажээ. Мөн Сайхан сум дахь Гал түймэр унтраах, аврах 61-р ангийн алба хаагчид тус сумын Гавшгай багийн “Гавшгай” гэдэг газар /сумын төвөөс зүүн зүгт 5 км-т/ их цас орсны улмаас автозамын зорчих хэсэг мөстөж, тээврийн хэрэгсэл зорчиход хүндрэл үүссэн, замын хажуу руу автомашин гулсан орсон тухай дуудлагаар ажиллаж, 9 автомашиныг цаснаас татан гаргаж, 42 хүнийг аварсан байна.
Түүнчлэн Баянгол сумын Гонир багийн “Хүн чулуутын хөшөө” гэдэг газар Хөвсгөл аймгийн Улаан-Уул сумын харьяат иргэн Л /26 настай, эрэгтэй/, Б /16 настай, эрэгтэй/ нар малаа хариулж яваад сураггүй алга болсон тухай энэ сарын 08-ны өдрийн 16:40 цагийн дуудлагаар Баянгол сум дахь Гал түймэр унтраах, аврах 40-р ангийн алба хаагчид, орон нутгийн иргэдтэй хамтран эрэн, хайх ажиллагааг зохион байгуулж, Төв аймгийн Сүмбэр сумын “Шавар хэрэм” гэдэг газраас хоёр иргэнийг эсэн мэнд олж, ар гэрийнхэнд нь хүлээлгэн өгсөн байна. Иймээс ард иргэд та бүхэн өдөр тутмын цаг агаарын мэдээтэй тогтмол танилцаж, машин тэргээ өвөлд бэлдэж замын хөдөлгөөнд оролцохыг аймгийн ОБГ-аас анхаарууллаа.
Тухайлбал Сэлэнгэ аймгийн Баянгол сум дахь Гал түймэр унтраах, аврах 40-р ангийн алба хаагчид тус сумын Хараа багийн “Хустайн даваа”, “Сэтэрхийн хөтөл”, “124-ын даваа”, “Тахилтын даваа” Гонир багийн “Бөө булгийн даваа” гэдэг газруудад их цас орсны улмаас автозамын зорчих хэсэг мөстөж, тээврийн хэрэгсэл зорчиход хүндрэл үүссэн, замын зорчих хэсгийг хааж автомашин зогссон, замын хажуу руу автомашин гулсан орсон тухай дуудлагаар нийт 443 хүнийг аварч, 102 автомашиныг цаснаас татан гаргажээ. Мөн Сайхан сум дахь Гал түймэр унтраах, аврах 61-р ангийн алба хаагчид тус сумын Гавшгай багийн “Гавшгай” гэдэг газар /сумын төвөөс зүүн зүгт 5 км-т/ их цас орсны улмаас автозамын зорчих хэсэг мөстөж, тээврийн хэрэгсэл зорчиход хүндрэл үүссэн, замын хажуу руу автомашин гулсан орсон тухай дуудлагаар ажиллаж, 9 автомашиныг цаснаас татан гаргаж, 42 хүнийг аварсан байна.
Түүнчлэн Баянгол сумын Гонир багийн “Хүн чулуутын хөшөө” гэдэг газар Хөвсгөл аймгийн Улаан-Уул сумын харьяат иргэн Л /26 настай, эрэгтэй/, Б /16 настай, эрэгтэй/ нар малаа хариулж яваад сураггүй алга болсон тухай энэ сарын 08-ны өдрийн 16:40 цагийн дуудлагаар Баянгол сум дахь Гал түймэр унтраах, аврах 40-р ангийн алба хаагчид, орон нутгийн иргэдтэй хамтран эрэн, хайх ажиллагааг зохион байгуулж, Төв аймгийн Сүмбэр сумын “Шавар хэрэм” гэдэг газраас хоёр иргэнийг эсэн мэнд олж, ар гэрийнхэнд нь хүлээлгэн өгсөн байна. Иймээс ард иргэд та бүхэн өдөр тутмын цаг агаарын мэдээтэй тогтмол танилцаж, машин тэргээ өвөлд бэлдэж замын хөдөлгөөнд оролцохыг аймгийн ОБГ-аас анхаарууллаа.
Ч.Отгонцэцэг
