Цагдаа Г.Ганхүлэг, Г.Түвшинбаатар нар хүний амь аварчээ
МОНГОЛЫН МЭДЭЭ | ХУУЛЬТөмөр зам дахь цагдаагийн хэлтсийн хэв журмын цагдаа, цагдаагийн ахлагч Г.Ганхүлэг, Г.Түвшинбаатар нар байнгын татаж унадаг өвчтэй, группт байдаг иргэн "Б"-гийн амийг аварчээ.
Тэд Замын үүдийн чиглэлд хяналтын үүрэг гүйцэтгэж байхдаа соргог ажиглалтаараа хүний амь аварсан байна.Замын-Үүдийн вагон депогийн хашаанд Улаанбаатараас ирсэн галт тэрэг зогсдог байршлын үнс нурам асгадаг цэг дээр нэгэн хүн ухаан алдаж унаад шатаж байхад нь амь насыг нь аварчээ. Иргэн Б их хэмжээний түлэгдэлтэй Түлэнхийн төвд хэвтэж эмчлүүлж байна. Амь насыг нь аварсан цагдаагийн хоёр залууд иргэн Б-ийн гэр бүлийнхэн баярлаж талархсанаа илэрхийллээ.
Ж.Батсайхан