Улаанбаатар
Хүүхдийн төлөө 833 нийгмийн ажилтан ажиллана
МОНГОЛЫН МЭДЭЭ | НИЙГЭМ
Улаанбаатар, 2025 оны хоёрдугаар сарын 10 /МОНЦАМЭ/. Хүүхэд хамгааллын тухай хууль өнгөрсөн оны есдүгээр сараас хэрэгжиж эхэлсэн.
Энэ хуулийн дагуу Засгийн газрын тогтоол гарч, улсын хэмжээнд 833 хүүхэд, гэр бүлийн нийгмийн ажилтан ажиллахаар болсон билээ. Тэгвэл энэ сараас шинэ ажилдаа томилогдсон нийгмийн ажилтнуудыг чиглүүлэх, мэргэшүүлэх богино хэмжээний сургалтыг улс орон даяар зэрэг зохион байгуулж эхэлжээ. 21 аймгийг долоон бүсэд хуваан сургалт зохион байгуулахаар төлөвлөсөнөөс зүүн бүс буюу Хэнтий, Дорнод, Сүхбаатар аймагт нийт 55 нийгмийн ажилтан ажиллана. Сургалт тав хоногийн хугацаанд үргэлжилнэ.
Сургагч багш нарыг Гэр бүл, хөлдөлмөр, нийгмийн хамгааллын яамны харьяа Хүүхэд, гэр бүлийн хөгжил, хамгааллын ерөнхий газар нийгмийн ажилтан, багш бэлтгэдэг их, дээд сургуультай хамтран бэлтгэсэн аж. Сум, хороо бүрд хүүхэд, гэр бүлийн нийгмийн ажилтан ажилласнаар эрсдэлт бүлэгт байгаа хүүхдүүдийг урьдчилан тогтоох, сурах хүмүүжих орчинд нь анхаарал хандуулах, гэр бүлийнхэнтэй хамтарч ажиллах улмаар гэмт хэрэг зөрчлөөс сэргийлэх орчин илүү сайжирна гэж үзэж байгаа юм.
