Японы Гадаад хэргийн дэд сайд ОХУ-д айлчилна
ДЭЛХИЙН МЭДЭЭ | УЛС ТӨРТОКИО. /TASS/. Японы Гадаад хэргийн дэд сайд Шинүкэ Сүгияма ирэх долоо хоногт Москвад айлчилж, ОХУ-ын Гадаад хэргийн дэд сайд Владимир Титовтой уулзана гэж “Yomiuri Shimbun” сонинд мэдээлжээ.
Талууд ОХУ-Японы стратегийн яриа хэлцээний сэдвийг хэлэлцэхээр төлөвлөжээ. Мөн Өмнөд Курилийн арлуудтай холбоотой асуудал болон Японы Засгийн газраас баталсан найман зүйлт эдийн засгийн хамтын ажиллагааны төлөвлөгөөг хэлэлцэх ажээ.
ОХУ-ын Ерөнхийлөгч Владимир Путин 12 дугаар сард Японд айлчлал хийх гэж байгаатай холбогдуулан Япон улс ОХУ-тай яриа хэлцээг эрчимжүүлэх сонирхолтой байна гэж “Yomiuri Shimbun” сонинд бичсэн байна.
Путины айлчлалын өмнө Японы Гадаад хэргийн сайд ОХУ-д айлчлахаар төлөвлөж байгаа гэж Японы Гадаад хэргийн яам мэдэгдсэн билээ. Уг айлчлалыг 10 дугаар сарын сүүлчээр хийх бололтой.
Д.Нямтулга