Улаанбаатар
Тайваний Дэд Ерөнхийлөгч Сан-Францискод иржээ
ДЭЛХИЙН МЭДЭЭ | УЛС ТӨР
ХОНГКОНГ. /ТАSS/. Тайваний Дэд Ерөнхийлөгч Лай Циндэ Парагвай улсаас Тайбэй хүртэл нисэх замдаа дамжин өнгөрөхөөр Сан-Франциско хотод орон нутгийн цагаар лхагва гарагт буужээ.
"Сан-Францискод буцаж ирсэндээ баяртай байна, энд би олон
найзуудтайгаа уулзана" гэж Лай Циндэ
өөрийн “X” (хуучнаар Twitter) хуудсандаа бичжээ. Тайвань дахь Америкийн
хүрээлэнгийн (AIT) тэргүүн Лаура Розенбергер, Тайбэйгээс АНУ-д суугаа Эдийн засаг, соёлын
төлөөлөгчийн газрын тэргүүн Шиао Мэйцин нар өөрийг нь онгоцны буудал дээр угтаж авсанд тэрбээр талархал илэрхийлэв.
Лай Циндэ Сан Францискод хоёр хоноод наймдугаар сарын 18-нд Тайвань руу буцах аж. Тэрбээр Тайбэйгээс Парагвай руу явах замдаа Нью-Йорк хотод бууж, наймдугаар сарын 12-13-ны өдрүүдэд хоёр хоножээ. Лай Циндэ наймдугаар сарын 15-нд Парагвай улсын Ерөнхийлөгч Сантьяго Пеньягийн тангараг өргөх ёслолд оролцсон юм. Үүнтэй холбогдуулан АНУ-аар дамжин өнгөрөх нислэгийг эрс эсэргүүцэж байгаагаа БНХАУ-ын ГХЯ мэдэгдэж байв.
Лай Циндэ бол Тайваний эрх баригч
Ардчилсан дэвшилтэт намын гишүүн бөгөөд
2024 оны нэгдүгээр сард болох Ерөнхийлөгчийн сонгуульд нэр дэвших магадлалтай гол хүмүүсийн нэг юм.
