ДОРНОГОВЬ: Мод үржүүлгийн талбай байгуулж, нутгийн хөрсөнд тохирсон мод суулгац үржүүлнэ
ОРОН НУТГИЙН МЭДЭЭ | ДОРНОГОВЬСайншанд /МОНЦАМЭ/. Хаврын мод тарих ажил дөхөж байна. Дорноговь аймаг “Тэрбум мод” үндэсний хөдөлгөөнд нэгдэж 20 сая мод тарихаар амлалт өгсөн. Аймгийн БОАЖГ-аас энэ жил мод үржүүлгийн талбай байгуулж хайлаас, сухай, заг зэрэг говийн хөрсөнд ургахад тохиромжтой мод суулгац тарихаар төлөвлөжээ.
Тус аймаг жилдээ 300-400 гаруй мянган мод тарих нөөц бололцоо байгаа аж. Мод тарих урьдчилсан нөхцөл боломжийг хангах үүднээс усалгааны системийг байгуулж хашаажуулах нь нэн чухал байгаа талаар аймгийн БОАЖГ-аас мэдээлэв.
Мод тарих хөдөлгөөн нь зөвхөн цөлжилт, уур
амьсгалын өөрчлөлттэй тэмцэхээс гадна аймгийн иргэд тодорхой түвшинд ажил
орлоготой болох боломж бүрдэх юм.