Улаанбаатар
Хан-Уул дүүрэг 11 автомашинаар хог тээврийн паркаа шинэчлэв
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Нийслэлийн хог тээврийн
үйлчилгээний автомашинуудын паркийг шинэчилж байна. Энэ ажил энэ онд нийслэлийн
Хан-Уул дүүргээс эхэлж, тус дүүргээс хэрэгжүүлж буй “Хоггүй Хан-Уул” хөтөлбөрийн
хүрээнд дүүргийн төсвийн хөрөнгөөр 11 автомашин нийлүүлснийг хог тээврийн
байгууллагад өнөөдөр хүлээгэн өгөв. Энэ нь БНСУ-д үйлдвэрлэсэн, сүүлийн үеийн
тоноглолтой, шатахуун зарцуулалт бага, Хьюндэй” маркийн автомашинууд байна.
Өнгөрсөн хоёр жил тус
дүүрэг ОХУ-д үйлдвэрлэсэн, 8 тонн хог шахаж ачих үйлдэлтэй, 4 “КАМАЗ” болон мөн
БНСУ-ын “Хьюндэй” үйлдвэрийн, 5 тонн хог шахаж ачих зориулалтын 6 автомашин
нийлүүлжээ. Мөн 2022 онд, ОХУ-аас цас, мөс цэвэрлэх, давс, бодис цацдаг, зуны
улиралд усалгаа, зам талбайн цэвэрлэгээ хийдэг, хосолмол үйлдэлтэй хоёр
автомашинаар хангаж байв. Ингэснээр Хан-Уул дүүрэг хог тээвэрлэлт, цэвэрлэгээний
23 автомашинаар паркаа шинэчлээд байна.
Гэрэл зургийг Н.Батбаяр
