Засаг даргын орлогчоо томиллоо
ОРОН НУТГИЙН МЭДЭЭ | ӨМНӨГОВЬӨмнөговь аймгийн Уул уурхай, Байгаль орчин, Дэд бүтэц хариуцсан Засаг даргын орлогчоор Сумъяаготовын Мөнхбаяр томилогдлоо.
Энэ сарын 4-ний Засаг даргын захирамжаар ийнхүү орлогч даргаа томилсон байна. Тус аймагт аймгийн ИТХ-ын сонгуульд МАН ялалт байгуулсан юм. Тэрээр аймгийнхаа Засаг даргаар Н.Наранбаатарыг томилж, аймгийн ИТХ-ын даргаар Х.Сугир нарыг намынх нь нөхөд итгэл хүлээлгэн сонгон ажиллуулж эхлэв.
Өмнө нь аймгийн Засаг даргын хоёр орлогч даргатай байсныг үргэлжлүүлэхээ мэдэгдээд байгаа бөгөөд нөгөө орлогч даргаар нь Баян-Овоо сумын засаг дарга байсан Х.Батболдын нэр яригдаж байгаа юм.
Өмнөговь аймаг Д.Мишигсүрэн