Биеийн байдал нэн хүнд нэг иргэн байна
ОРОН НУТГИЙН МЭДЭЭ | СҮХБААТАРСүхбаатар /МОНЦАМЭ/. Тус аймагт сүүлийн 24 цагт халдварын 49 тохиолдол шинээр
нэмэгдэж, нийт батлагдсан тохиолдол 742
боллоо. Халдвар авсан иргэдээс 466 тохиолдол эдгэрсэн бол тусгаарлах эмнэлэгт
280, Наран сумын ЭМТ-д нэг иргэн хэвтэн эмчлүүлж байна. Эмчлүүлэгсдийн дунд
биеийн байдалд нэн хүнд нэг иргэн байгааг ЭМГ-аас мэдээллээ.
49 тохиолдлыг харьяаллаар
авч үзвэл Баруун-Урт 25, Уулбаян 6, Сүхбаатар 2, Эрдэнэцагаан 2, Дарьганга 5,
Наранд 9 тохиолдол нэмэгдсэн байна.
Тусгаарлан ажиглах 12
байранд 95 иргэнийг ажиглаж байна. Гэрийн тусгаарлалтад 2344 байгаагаас 1126
иргэнд эмнэлзүйн тандалт хийжээ. Одоогоор 211 шинжилгээний хариу хүлээгдэж
байна.
Халдвар авсан иргэдийн 25,6
хувийг 18 хүртэлх насны хүүхэд эзэлж байна.