Халаалтын зуухнуудын хэвийн ажиллагааг өдөр бүр шалгаж байна

Орон нутагт | Төв
tuv@montsame.gov.mn
2020-10-14 10:37:19

Төв/МОНЦАМЭ/. Төв аймгийн Зуунмод сумын хэмжээнд үйл ажиллагаа явуулж буй халаалтын зуухнуудын хэвийн ажиллагаанд өдөр бүр шалгалт хийж байна. 


Тус ажлын баг аймгийн ЗДТГ-ын ХОХБТХ, "Төв Чандмань" ДЭХГ-ын Төлөөлөн удирдах зөвлөл, инженер техникийн ажилтнуудаас бүрдсэн бөгөөд энэ сарын 5-ны өдрөөс эхлэн өдөр бүр халаалтын горимд хяналт, шалгалт хийн ажиллаж байгаа аж. 

Өнөөдрийн ээлжит хяналт, шалгалтыг аймгийн ЗДТГ-ын ХОХБТХ-ийн дарга Д.Саран-Эрдэнэ хийж, халаалтын горимын хэвийн ажиллагааг шалгалаа. Энэ үеэр халаалтын зуухнуудын өгөх температур 52-56 градус, буцах температур 42-44 градустай байв гэж албаныхан мэдээллээ. 

Холбоотой мэдээ