Улаанбаатар
А.Навальный Орос руу буцах бодолтой байна
ДЭЛХИЙН МЭДЭЭ | УЛС ТӨР
НЬЮ-ЙОРК. /The
New York Times /.
Оросын сөрөг хүчний удирдагч Алексей Навальный Германд
үлдэх бодолгүй байгаа бөгөөд нутаг буцаж, үйл хэргээ үргэлжлүүлэхийг зорьж
байна хэмээн ХБНГУ-ын аюулгүй байдлын албаны өндөр албан тушаалтан мэдэгджээ.
“А.Навальный Германд цагаачлах бодолгүй
байна. Тэрбээр гэртээ харьж өмнө нь явуулж байсан үйл ажиллагаагаа үргэлжлүүлэх
төлөвтэй байна” гэж тэрбээр хэлэв.
ХБНГУ-ын прокурорын газрын төлөөлөгчидтэй ярилцах үеэрээ
А.Навальный өөртэй нь холбоотой хэргийг мөрдөн шалгах ажиллагаанд оролцохоос
татгалзсан тухай тэрбээр мөн мэдэгджээ.
Нисэх онгоцонд сууж явах үеэр бие нь тавгүйрхсэн А.Навальный 8
дугаар сарын 20-нд Омск хотын эмнэлэгт хүргэгдсэн. Эмнэлэгт түүнийг ухаангүй
байдалтай байхад нь хиймэл амьсгалын аппарат залгажээ. Хожим нь түүнийг
Германы “Charite” эмнэлэг рүү шилжүүлсэн юм.
