Гар барихгүй, тэврэлдэхгүй байхыг амрагчдад зөвлөжээ

МОНГОЛЫН МЭДЭЭ | ЭРҮҮЛ МЭНД
boloroo8136@gmail.com
2020-05-27 13:52:37

Улаанбаатар /МОНЦАМЭ/. ЭМЯ-наас “Амралт, сувиллын газарт өгөх зөвлөмж” боловсруулжээ. 


Коронавируст халдвараас урьдчилан сэргийлэх зорилгоор тус яамны “Антикорона” баг заавар,  зөвлөмж гарган ажиллаж буй юм.

Амралт, сувиллын газарт:

• Өглөө бүр ажилтнуудын биеийн халуун үзэж тэмдэглэх
• Маск, тусгай амны эсвэл нүүрний хаалт зүүх
• Нэг удаагийн бээлий хэрэглэх
• Спиртэн суурьтай гар халдваргүйжүүлэгч байршуулах
• Гар угаах орчинг бүрдүүлэх, гарын цаас, саван тогтмол байлгах
• Хоолны ширээ, орыг 1-1,5 метр зайтай байрлуулах
• Нэг дор олноор хооллохгүй, ээлжлэн оруулах
• Агаар сайн сэлгэх, нэвт салхилуулах
• Аяга, таваг, халбага, сэрээг ахуйн хэрэглээний халдваргүйжүүлэх бодисоор угааж, цэвэр усаар сайтар зайлах
• Түүхий, хагас боловсруулсан болон бэлэн бүтээгдэхүүнийг зориулалтын дагуу хадгалах
• Ажилчдыг урьдчилан сэргийлэх үзлэгт тогтмол хамруулах
• Ажилчдад коронавируст халдварын эмнэлзүйн шинж тэмдэг, урьдчилан сэргийлэлтийн талаар мэдээлэл өгөх
• 1
литр усанд 0,25мл белизна хийж шал, тавцан, сандал, ор, хаалганы бариул зэрэг хатуу гадаргууг арчиж цэвэрлэх
• Алчуур, цагаан хэрэглэл зэргийг угаах, индүүдэх, наранд хатаах
• Хүн хүлээж авахын өмнө өрөөг сайтар халдваргүйжүүлэн цэвэрлэх
• Саун, бассейнд халдваргүйжүүлэлт байнга хийх
• Шавьж, мэрэгчгүйтгэл хийх
• Шинж тэмдэг бүхий сэжигтэй тохиолдлыг тусгаарлах өрөө бэлтгэх
• Коронавируст халдвараас урьдчилан сэргийлэх зөвлөмжийг ил тод байршуулах

Амрагч нарт:

• Амны хаалт тогтмол зүүх
• Гараа савандаж угаах, спиртэн суурьтай гар халдваргүйжүүлэгч хэрэглэх
• Нүүр, нүд, ам, хамартаа хүрэхгүй байх
• Бусадтай гар барихгүй, тэврэлдэхгүй, үнсэлдэхгүй байх
• Хүн хоорондын зай барих
• Хоол унд хувааж идэхгүй байх
• Гүйцэд болгосон хоол хүнс хэрэглэх
• Тамхи дамжуулан татахгүй байх
• Нэг өрөөнд бөөгнөрөхгүй байх
• Хэрэглэсэн амны хаалтыг ил задгай хаяхгүй байх

Холбоотой мэдээ