Япон онцгой байдлын дэглэмийг бүрэн цуцалжээ
ДЭЛХИЙН МЭДЭЭ | УЛС ТӨРТОКИО. /TASS/.
Коронавирусний дэгдэлттэй
холбоотойгоор зарласан онцгой байдлын дэглэмийг эрх баригчид орон даяар цуцлах
шийдвэр гаргасан хэмээн Японы Ерөнхий сайд Абэ Шинзо сэтгүүлчдэд мэдэгджээ.
Эрх баригчид өмнө нь 47 мужийн 42-т нь тогтоосон онцгой байдлын дэглэмийг
цуцлаад байсан бөгөөд үлдсэн 5 мужид буюу Токио, Канагава, Сайтама, Чиба,
Хоккайдо мужуудад зарласан онцгой байдлын дэглэм үйлчилсэн хэвээр байсан юм.
Японы эрх баригчид Токио болон зэргэлдээх Канагава, Сайтама, Чиба болон
Осака, Хёго мужуудад 4 дүгээр сарын 8-нд онцгой байдлын дэглэм тогтоосон юм.
Дөрөвдүгээр сарын 16-нд онцгой байдлын дэглэмийг орон даяар зарлаж, үйлчлэх
хугацааг нь 5 дугаар сарын 31 хүртэл сунгасан юм.
Гэсэн ч дэглэм үйлчлэх хугацааг дуусахыг хүлээлгүйгээр 47
мужийн 37-д нь тогтоосон онцгой байдлын дэглэмээ хугацаанаас нь өмнө цуцалж
байгаагаа 5 дугаар сарын 14-нд мэдэгдсэн байна.