Баян-Өлгийн тамирчид буриад сурын харваанд тэргүүлжээ
ОРОН НУТГИЙН МЭДЭЭ | БАЯН-ӨЛГИЙБаян-Өлгий /МОНЦАМЭ/. Тулгар төрийн 2228 жил, Их
Монгол Улс байгуулагдсаны 813 жил, Ардын хувьсгалын 98 жилийн ой, Үндэсний их
баяр наадмын буриад сурын харваанд Баян-Өлгий аймгийн харваачид эхний гурван
байрыг эзэлжээ.
Тодруулж хэлбэл, 205 харваач цэс мэргэнээ сорин
өрсөлдсөнөөс Баян-Өлгий аймгийн уугуул, Батлан хамгаалах яам, Зэвсэгт хүчний
"Алдар спорт" хороо, "Жем интернэйшнл" ХХК-ийн харваач,
Буриад сурын Улсын мэргэн Н.Алтантулга түрүүлж Улсын хошой мэргэн цолны болзол
хангажээ.
Мөн тус аймгийн Бугат сумын уугуул,
"Цамбагарав өгөөж" ХХК-ийн харваач, Буриад сурын спортын мастер З.Нямсүрэн хоёрдугаар байр, Буянт сумын уугуул, Батлан хамгаалах яам, Зэвсэгт хүчний
"Алдар спорт" хороо, "Жем интернэйшнл" ХХК, "Монголын мэдээлэл холбоо" сүлжээ ХХК-ийн харваач Х.Хүрэлтуяа гуравдугаар байрт тус тус шалгарсан байна.
Н.Алтантулгын хувьд өнгөрсөн жилийн буриад сурын
харваанд мөн түрүүлж байсан юм.