Улаанбаатар
Засаг даргын захирамжийн хэрэгжилтэд дахин хяналт тавьж байна
ОРОН НУТГИЙН МЭДЭЭ | СЭЛЭНГЭ
Сэлэнгэ /МОНЦАМЭ/. Сэлэнгэ аймгийн Засаг дарга 2017 оны А/386 тоот захирамжаараа насанд хүрээгүй хүнд ахуйн хэрэглээний хий
/газ/-г худалдан, борлуулахыг хориглосон шийдвэрийг гаргаж байсан байна.
Тэгвэл энэхүү А/386 тоот захирамжийн хэрэгжилт
хэрхэн биелж буй үйл ажиллагаанд аймгийн МХГ-аас хяналт шалгалт хийжээ. Хяналт
шалгалтын явцад гарсан зөрчил илрээгүй аж. Өнөөдрийн байдлаар аймгийн Засаг даргын гаргасан энэхүү 2017 оны А/386 тоот захирамжаар насанд хүрээгүй
хүнд ахуйн хэрэглээний хий /газ/-г худалдан, борлуулахыг хориглосон захирамж хүчин
төгөлдөр байгаа. Иймээс Сэлэнгэ
аймгийн хэмжээнд ахуйн хэрэглээний хий /газ/-г худалдаалдаг аж ахуй нэгж,
байгууллага, хувь хүмүүст дээрх
захирамжийн хэрэгжилтийг хангаж, 18 насанд
хүрээгүй хүнд ахуйн хэрэглээний хий /газ/ худалдан борлуулахгүй байхыг дахин анхаарууллаа.
