Улаанбаатар
Трамп: БНАСАУ хэлэлцээ хийхэд бэлэн биш байна
ДЭЛХИЙН МЭДЭЭ | УЛС ТӨР
ВАШИНГТОН. /CNN/. БНАСАУ долоо хүрэхгүй хоногийн хугацаанд хоёр дахь
удаагаа пуужин харвасны дараа АНУ-ын Ерөнхийлөгч Дональд Трамп Цагаан ордноос
пүрэв гарагт мэдэгдэл хийжээ.
“Тэд хэлэлцээ хийхэд
бэлэн биш байгаа бололтой” гэж Д.Трамп хэлсэн байна. Мөн тэрбээр БНАСАУ-ын сүүлд
явуулсан туршилтын талаар хэлэхдээ, “Бид одоо маш нухацтайгаар ажиглаж байна.
Үүнийг хэн ч таатайгаар хүлээж авахгүй” гэжээ.
Пүрэв гарагт БНСУ-ын зэвсэгт хүчнээс мэдээлснээр, БНАСАУ ойрын тусгалт пуужингууд хөөргөсөн ажээ. БНАСАУ мөн өнгөрсөн долоо хоногийн сүүлээр хэд хэдэн шинэ зэвсгийн систем туршсан юм. Ташрамд дурдахад, БНАСАУ-ын төлөөлөгчид 2017 оноос хойш анх удаа пуужин хөөргөх туршилт хийснээ албан ёсоор мэдэгдсэн байна.
Өнгөрсөн хоёрдугаар сард Вьетнамын нийслэл Ханой хотноо зохион байгуулсан Д.Трамп, БНАСАУ-ын удирдагч Ким Жөн Ун нарын хоёр дахь дээд хэмжээний уулзалт хэлэлцээргүй өндөрлөснөөс хойш хоёр талын хэлэлцээнд төдийлөн ахиц дэвшил гараагүй юм.
