Гамшгийн бэлэн байдлын улсын үзлэг, шалгалт эхэллээ

ОРОН НУТГИЙН МЭДЭЭ | ОРХОН
orkhon@montsame.mn
2019-04-11 10:17:04
oyuka_hu@yahoo.com

Орхон /МОНЦАМЭ/ ОБЕГ-аас ирэх сард улс орон даяар гамшгаас хамгаалах бэлэн байдлын үзлэг зохион байгуулахтай холбогдуулан аймгийн гамшгаас хамгаалах алба, мэргэжлийн анги, аж ахуйн нэгжид үзлэг хийхээр болжээ.

Үүнийг “Гамшгаас хамгаалах тухай” хууль, Монгол Улсын Шадар сайдын 2017 оны 75 дугаар тушаал, ОБЕГ-ын даргын 315 дугаар тушаалыг үндэслэн зохион байгуулж байгаа юм.

“Гамшгаас хамгаалах бэлэн байдлын үзлэг”–т гамшгаас хамгаалах алба, мэргэжлийн анги, нийт бие бүрэлдэхүүн хамрагдах бөгөөд тэд хөдөлмөр хамгааллын хувцас, хэрэглэл, хувцасны жигдрэлт, хүн нэг бүр үүргэвчтэй байх, гамшгаас хамгаалах төлөвлөгөө боловсруулсан байх ёстой ажээ. Мөн харилцаа холбоо, зарлан мэдээлэх хэрэгслийн бэлэн байдлыг хангаж тогтоосон дохиогоор ажиллах, галын аюулгүй байдлыг хангах, бэлэн байдлыг шалгах гэнэ. Үзлэг шалгалтыг нийт зургаан шалгуур үзүүлэлтээр 100 хувь дүгнэн хангалттай, дутагдалтай, хангалтгүй гэсэн гурван шалгуур үнэлгээ өгнө.

 

Холбоотой мэдээ