Илий маллагч У.Насанбат аймгийн хөдөлмөрийн аварга боллоо
ОРОН НУТГИЙН МЭДЭЭ | ГОВЬ-АЛТАЙГовь-Алтай /МОНЦАМЭ/ Говь-Алтай аймгийн Халиун сумын Гүү Бариач багийн илий маллагч У.Насанбат аймгийн хөдөлмөрийн аварга боллоо.
Шагналыг УИХ-ын гишүүн, Хууль зүйн байнгын хорооны дарга Ш.Раднаасэд, тус аймгийн Засаг дарга С.Гансэлэм, "Эрдэнэс алт ресурс" ХК-ийн захирал Д.Ариунболд болон холбогдох албаны хүмүүс гардуулж өглөө.
Говь-Алтай аймгийн халиун бугын цус сэлбэх, үржүүлэх зорилгоор 2017 онд найм, 2018 онд 10 илий нутагшуулсан юм. Тэдэнд өвс тэжээл тавьж өгөх, усалж ундаалах ажлыг малчин У.Насанбат хариуцдаг ажээ.