Ulaanbaatar
“Эпл” тэргүүлэгчийн байр сууриа “Самсунг”-т алджээ
ДЭЛХИЙН МЭДЭЭ | ЭДИЙН ЗАСАГ
ВАШИНГТОН, 2024
оны дөрөвдүгээр сарын 15 /Reuters/. “Андройд” үйлдлийн
системтэй ухаалаг гар утас үйлдвэрлэгчдийн өрсөлдөөн ширүүсэж байгаатай холбоотойгоор энэ оны эхний улиралд “Эпл” компанийн ухаалаг
гар утасны нийлүүлэлт 10 орчим хувиар буурсан гэж IDC судалгааны фирм мэдээлжээ.
Энэ оны
эхний гурван сард дэлхийн ухаалаг гар утасны нийлүүлэлт 7.8 хувиар өсөж,
289.4 саяд хүрснээс “Самсунг” компани 20.8 хувийг нь эзэлснээр дэлхийн гар утасны хамгийн том борлуулагч болж “Эпл”-ийг ардаа орхисон
байна.
“Эпл” 2023 оны
дөрөвдүгээр улиралд борлуулалтаараа “Самсунг”-ийг дахин гүйцэж түрүүлээд байсан
боловч өнгөрсөн улиралд зах зээлийн 17.3 хувийг эзэлснээр хоёрдугаар байр
луу ухарчээ. Тус компанийн араас Хятадын томоохон ухаалаг гар утас үйлдвэрлэгчдийн нэг “Шяоми” /14.1 хувь/ бичигдсэн байна.
Оны эхээр хамгийн сүүлийн үеийн ухаалаг
гар утас болох “Galaxy S24” загваруудаа худалдаанд гаргасан
Өмнөд Солонгосын “Самсунг” компани дээр дурдсан хугацаанд 60 сая гаруй утас нийлүүлжээ. Шинэ загварыг ухаалаг гар утасны эхний гурван долоо хоногийн борлуулалтыг өнгөрсөн жилийн “Galaxy S23”-ынхтай харьцуулахад 8
хувиар өссөн байна.
IDC-ийн мэдээлснээр, эхний улиралд “Эпл” компани 50.1 сая
iPhone гар утас нийлүүлсэн нь өнгөрсөн оны мөн үеийнхээс 5 сая гаруйгаар буурчээ. Өнгөрсөн оны дөрөвдүгээр улиралд “Эпл”-ийн Хятад дахь
ухаалаг гар утасны нийлүүлэлт мөн өмнөх оны мөн үеийнхээс
2.1 хувиар буурч
байв.
