"Хөрсөө хамгаалъя" өдөрлөг баасан гарагт болно

Монголын мэдээ | Байгаль орчин
dusem11@yahoo.com
2018-04-25 13:56:38
Улаанбаатар /МОНЦАМЭ/. НИТХ-ын Тэргүүлэгчдийн тогтоолоор жил бүрийн 4 дүгээр сарын 27-ны өдрийг “Хөрс хамгаалах өдөр” болгон тэмдэглэхээр шийдвэрлэсэн.

Үүнтэй холбогдуулан “ХӨРСӨӨ ХАМГААЛЪЯ” өдөрлөгийг “Хэрэглээгээ өөрчилж, хөрсөө хамгаалцгаая” уриан дор  зохион байгуулах гэж байна. Энэхүү өдөрлөг нь хөрс хамгаалал, хөрсний бохирдлоос урьдчилан сэргийлэх чиглэлээр үйл ажиллагаа явуулдаг төрийн болон төрийн бус байгууллага, хувийн хэвшил, эрдэмтэн судлаачдын оролцоог хангаж буйгаараа онцлог юм.

Өдөрлөгийн үеэр төрийн болон судалгааны байгууллагууд иргэдэд мэдээлэл өгөх бол хувийн хэвшлийн ААН, эрдэмтэн, судлаачид хөрсний бохирдлоос урьдчилан сэргийлэх, хамгаалах чиглэлээр хийж буй шинэлэг ажил, бүтээгдэхүүн, үйлчилгээний  талаар танилцуулах, худалдаалах үйл ажиллагааг явуулна.

Иймээс иргэд олон нийт та бүхэн өөрийн амьдарч, ажиллаж буй орчны цэвэр орчны төлөө мэдлэгээ дээшлүүлэх, мэдээлэл ихтэй “ХӨРСӨӨ ХАМГААЛЪЯ” өдөрлөгт өргөнөөр оролцоно уу гэж Улаанбаатар хотын Захирагчийн ажлын албанаас мэдээллээ.
Холбоотой мэдээ