Евразийн кино академи байгуулахад Казахстаныг оролцуулна

ДЭЛХИЙН МЭДЭЭ | СОЁЛ УРЛАГ
jargal@montsame.mn
2015-11-20 16:34:02

МУМБАИ. /TASS/. Өөрийн гэсэн шагналтай байх Евразийн кино академи байгуулахад Казахстан улсыг оролцуулах асуудлыг ОХУ судалж байна гэж тус улсын Кино урлагийн холбооны даргын орлогч Олег Иванов мэдээлжээ. Тэрбээр Энэтхэгийн Мумбай хотод анх удаа зохион байгуулж буй Оросын кино өдрүүд арга хэмжээнд оролцож байгаа аж.

“Бид одоогийн байдлаар энэ талаар Казахстаны талтай хэлэлцэж байна” гэж тэрбээр хэлсэн байна.

Евразийн кино академи нь “бусад гишүүн орнуудын хувьд нээлттэй байх ёстой” гэж тэрбээр үзэж байгаа аж.

Евразийн кино академи нь 2017 оны эхээр ажлаа эхэлж магадгүй бол 2016 онд Москвагийн олон улсын кино наадмын хүрээнд танилцуулна. Евразийн кино академийн шагналыг хэзээнээс гардуулж эхлэх нь тодорхойгүй байна. Уг төсөлд оролцоно гэдгээ гурван орны эрх баригчид мэдэгджээ.

БРИКС-ийн орнуудын кино академийн шагналыг бий болгох санаачилгыг энэ оны долдугаар сард Уфа хотод болсон тус бүлгийн дээд хэмжээний уулзалтын үеэр Энэтхэгийн Ерөнхий сайд Нарендра Моди гаргасан байна.

Д.Жаргал

 

Холбоотой мэдээ