Буга, хадран загас агнагчдыг мөрдөн шалгаж байна

МОНГОЛЫН МЭДЭЭ | ХУУЛЬ
183@montsame.mn
2018-01-15 11:12:57

Улаанбаатар /МОНЦАМЭ/.Цагдаагийн Мөрдөн байцаах албаны Хүрээлэн буй орчны эсрэг гэмт хэрэг мөрдөх хэлтсийн албан хаагчид  Сэлэнгэ аймагт хууль бусаар буга, хадран загас агнасан хэргийг шалгаж байна. Энэ хэрэгт ГССҮТ-ийн мэс заслын дөрвөн эмч холбогдож, тэднийг шалгахад  буу эзэмших зөвшөөрөлтэй байсан боловч тусгай хамгаалалттай газраас нэг буга, хоёр ширхэг хадран загас агнасан нь  тогтоогджээ.

Энэхүү хууль бус ан хийсэн үйлдэл нь Эрүүгийн хуулийн 24.5.2-т заасны дагуу хариуцлага хүлээх хуулийн заалттай  Хуулийг тодруулбал, “Улсын тусгай хамгаалалттай газар нутагт нэн ховор амьтныг тусгай зөвшөөрөлгүй агнасан бол арван мянган нэгжээс дөчин мянган нэгжтэй тэнцэх хэмжээний төгрөгөөр торгох, эсхүл хоёр жилээс найман жил хүртэл хугацаагаар хорих ял шийтгэнэ” гэсэн байдаг юм. Тус хэргийг зүйлчиллээр нь Хүрээлэн буй орчны эсрэг гэмт хэрэг гэх заалтаар шадгаж байна.

Ж.Батсайхан

Холбоотой мэдээ