Улаанбаатар
Д.Трамп Энэтхэгийн Ерөнхий сайд Н.Модиг урьжээ
ДЭЛХИЙН МЭДЭЭ | УЛС ТӨРВАШИНГТОН./VOA/.АНУ-ын Ерөнхийлөгч Дональд Трамп Энэтхэгийн Ерөнхий сайд Нарендра Модитой утсаар ярьж, түүнийг АНУ-д айлчлахыг урьжээ.
Вашингтон мэдэгдэхдээ “Ерөнхийлөгч Д.Трамп Энэтхэг улсыг “сайн найз, дэлхий дахинд тулгамдсан асуудлуудыг шийдвэрлэхэд туслах түншүүдийн нэг гэж үзэж байна” гэжээ.
Хоёр улсын удирдагчид эдийн засаг, батлан хамгаалах зэрэг өргөн цар хүрээг хамарсан салбарт харилцаа, хамтын ажиллагаагаа бэхжүүлэх боломжуудын талаар утсаар ярилцсан байна.
Н.Моди энэ оны сүүлчээр АНУ-д айлчлах бололтой.
Мөн хоёр улсын удирдагчид терроризмтой хамтран тэмцэхээр тохиролцжээ.
Сонгуулийн кампанит ажлын үеэр Д.Трамп Энэтхэгт нэлээд ам сайтай хандаж байсан юм. Тэрбээр Н.Модиг “хүнд суртлыг халж, эдийн засгийн шинэчлэлийг амжилттай хийж байгаа удирдагч” хэмээн сайшааж ярьж байсан билээ.
Г.Доржханд
