СЭЛЭНГЭ: Ойрын өдрүүдэд хүчтэй шороон шуурга шуурна
ОРОН НУТГИЙН МЭДЭЭ | СЭЛЭНГЭСүхбаатар, 2024 оны дөрөвдүгээр
сарын 11 /МОНЦАМЭ/. Сэлэнгэ аймгийн Ус цаг уур орчны шинжилгээний төвөөс энэ сарын 13-нд салхи 9-14
метр хүрч, цасан болон шороон шуурга шуурахыг анхааруулж байна.
Сэлэнгэ аймгийн нутгаар 12-нд нутгийн
хойд хэсгээр, 13-нд бүх сумын нутгаар хур тунадас орно. Бусад
хугацаанд хур тунадас орохгүй.
Салхи 13-нд баруун хойноос 9-14 метр
хүрч цасан болон шороон шуурга шуурна. Бусад хугацаанд баруунаас секундэд 6-11 метр байна. Агаарын температур
шөнөдөө +2...-3 градус хүйтэн, өдөртөө +12...+17 градус дулаан байна.