СЭЛЭНГЭ: Аймгийн ИТХ-ын ээлжит XXI хуралдааны тов гарлаа
ОРОН НУТГИЙН МЭДЭЭ | СЭЛЭНГЭСүхбаатар, 2024 оны гуравдугаар сарын 27 /МОНЦАМЭ/. Сэлэнгэ аймгийн ИТХ-ын ээлжит XXI хуралдаан 4 дүгээр сарын 2-нд болох тов гарлаа.
Хуралдаанаар хэлэлцэх асуудлуудыг өчигдөр хуралдсан аймгийн ИТХ-ын
Зөвлөл хэлэлцлээ. Тодруулбал:
-Аймгийн Засаг даргын 2020-2024 оны үйл ажиллагааны хөтөлбөрийн хэрэгжилт
-2023 оны хөгжлийн жилийн төлөвлөгөөний биелэлтийн тухай
-2024 онд Сэлэнгэ аймагт цэргийн албыг биеэр дүйцүүлэн хаах иргэдийн
тооны дээд хязгаарыг батлах тухай
-Сэлэнгэ аймгийн нутаг дэвсгэрт 2024 онд ахуйн зориулалтаар агнах барих
амьтны тоо хэмжээг батлах тухай
-“Аймаг, сумдын Туг, бэлэг тэмдгийг сурталчлах аян” зарлах тухай
тогтоолын төсөл
-Орон нутгийн өмчийн харилцааны асуудлууд:
-Үндсэн хөрөнгийг актлах, Үндсэн хөрөнгийг акталж, дуудлага худалдааны доод үнийг тогтоох тухай, Үндсэн хөрөнгийг шилжүүлэх тухай
-Ой тэмдэглэх зөвшөөрөл олгох тухай /Баянгол сумын ЕБС-ийн 90 жил/
-Зөвшөөрлийн хугацаа сунгах тухай /Мандал сумын Хайрын нөхөрлөл сүм/
-Түгээмэл тархацтай ашигт малтмалыг хайгуулын зөвшөөрлийн хүсэлтэд санал
өгөх тухай
-Захиргааны хэргийн шүүхэд хариуцагчийн төлөөлөгчийг сонгон томилох
тухай
-Сэлэнгэ аймгийн ИТХ-ын сонгуулийн тойрог
байгуулж, тойрогт ногдох мандатын тоо, дугаар, төвийг тогтоох тухай, /Аймаг,
нийслэл, сум дүүргийн ИТХ-ын сонгуулийн тухай хуулийн 12
дугаар зүйлийн 12.1 дэх хэсэг/
-Монгол Улсын Их Хурлын сонгуулийг Сэлэнгэ аймагт зохион байгуулах хорооны бүрэлдэхүүнийг томилуулах санал өгөх тухай, /УИХ-ын Сонгуулийн тухай хуулийн 16 дугаар зүйлийн 16.1 дэх хэсэг/ зэрэг асуудлыг хэлэлцсэн байна.