Улаанбаатар
Тээврийн хэрэгслийн цахим гэрчилгээг ирэх сард нааж эхэлнэ
МОНГОЛЫН МЭДЭЭ | НИЙГЭМ
Улаанбаатар, 2025 оны аравдугаар сарын 25 /МОНЦАМЭ/. Тээврийн хэрэгслүүдийн RFID цахим гэрчилгээг улсын хэмжээнд 11 дүгээр сарын 1-нээс төв, зүүн, хангай, говь гэсэн бүсчилсэн байдлаар нааж эхэлнэ.
Эхний ээлжид хилийн боомтууд дээрх тээврийн хэрэгслүүдэд, орон нутгийн автотээврийн
хэрэгслийн оношилгооны төвүүдээр
наах юм. Ингэснээр татвар, даатгал, техникийн хяналтын үзлэг, оношилгоо,
торгуультай холбоотой мэдээллийн нэгдсэн сан үүсгэнэ. Төрийн байгууллагууд дээрх мэдээллийг нэгтгэн
харах боломжтой болно. Энэ нь
ямар нэгэн чип, байршил тогтоогч биш бөгөөд тухайн радио долгионы давтамжтай цэгт, орон нутгийн төлбөр
авах цэгүүдээр тээврийн хэрэгсэл зорчиж өнгөрсөн, татвар, даатгал, оношилгоо,
техникийн хяналтын үзлэгтээ орсон эсэхийг
мэдээлнэ. Татвар, даатгал, торгууль зэрэг ямар нэгэн төлбөр төлсөн байх
ёстой гэсэн шаардлага тавихгүй аж.
Улаанбаатарт одоогоор 430 орчим цэгт RFID уншигч
төхөөрөмж суурилуулсан бөгөөд цаашид
олон улс, улсын чанартай 7500 км авто замд төлбөр авах 33 цэгт суурилуулахаар
төлөвлөөд байгааг ЗТХЯ мэдээллээ.
Улсын бүртгэлийн санд өнгөрсөн онд 1.400.000 мянган тээврийн хэрэгсэл бүртгэлтэй байв. Шинэчилсэн бүртгэл хийснээр
ашиглалтаас гарсан, сүүлийн таван жилд техникийн
хяналтын үзлэгт ороогүй, татвар, даатгалаа төлөөгүй 250 мянган тээврийн
хэрэгслийг хасжээ.
Монголд одоогоор 1.180.000
орчим тээврийн хэрэгсэл бүртгэлтэйгээс
орон нутагт 470 мянга орчим,
нийслэлд 650 мянган тээврийн хэрэгсэл бүртгэлтэй байгаа аж. Замын хөдөлгөөнд оролцож буй тээврийн хэрэгслийн 65 орчим хувь нь татвар, даатгалаа төлж, 60
орчим хувь нь техникийн хяналтын үзлэгт орж, 20 орчим хувь нь л торгуулиа төлөөд байна.
