Залуус нэгдэн төрж өссөн хороололдоо усан оргилуур байгуулжээ

ОРОН НУТГИЙН МЭДЭЭ | ДАРХАН-УУЛ
norovsambuu@montsame.mn
2016-08-11 16:09:49

Дархан сумын Шинэ хорооллын 8, 9 дүгээр байранд төрж өссөн залуус фейсбүүк орчинд нэгдэж хүүхэд насны дурсамж үлдсэн төрөлх хороололдоо усан оргилуур байгуулах санаачлага гарган нийт 5 сая төгрөгийн хандив цуглуулан  аймгийн удирдлагуудад хүлээлгэж өглөө.

Энэ үеэр аймгийн ИТХ-ын дарга Г.Эрдэнэбат хэлэхдээ: “Дархан хот маань энэ жил үүсгэн байгуулагдсаны 55 жилийн ойтой золгож байна. Энэ хугацаанд Дархан хотод төрж, өссөн залуу үеийнхэн эргээд хотынхоо бүтээн байгуулалтад сэтгэл гаргаж өөрсдийн хөрөнгөөр энэ сайхан усан оргилуурыг байгуулах болсонд талархаж байна” гэв. Тэрбээр энэхүү усан оргилуурын ашиглалт хамгаалалтад аймаг орон нутгийн удирдлагууд санаа тавьж цаашдаа залуусынхаа хүсэл зорилгыг сонсож хамтарч ажиллана хэмээн онцлов.

                                                                                                                                                    Б.Норовсамбуу

Холбоотой мэдээ