Аймгийн Онцгой комисс хуралдав
ОРОН НУТГИЙН МЭДЭЭ | ДУНДГОВЬДундговь /МОНЦАМЭ/. Дундговь аймгийн Онцгой комисс 2 дугаар сарын 18-нд
хуралдаж, коронавирусний халдварын нөхцөл байдлыг хэлэлцэн дараах шийдвэрийг
гаргалаа. Үүнд:
- Ирэх 2 дугаар сарын 15-ны өдрийг дуустал хугацаанд олон
нийтийг хамарсан бүх төрлийн уралдаан тэмцээн, урлаг соёлын үйл ажиллагаа,
хурим, найр, хүлээн авалт цайллага хийхгүй байх,
- Сар шинийн баярын үеэр олон нийтийг хамарсан золголт
зохион байгуулахгүй байх,
- Хурал цуглаан, сургалт семинар зохион байгуулах бол танхимын 50 хувийн
дүүргэлттэйгээр, коронавирусний эсрэг дархлаажуулалтын 3, 4 дүгээр тунгийн
хамрагдалт, шинжилгээний хариуг харгалзан халдвар хамгааллын дэглэмийг
баримтлах,
- Мал амьтны гоц халдварт шүлхий өвчний эрсдэл өндөр байгаа
тай холбогдуулан отор нүүдэл, малын шилжилт хөдөлгөөнд хяналт тавьж, урьдчилан
сэргийлэх ажлыг хэрэгжүүлэх,
- Сар шинийн баярыг гэр бүлийн хүрээнд тэмдэглэж,
халдвараас урьдчилан сэргийлэх.
Мөн иргэдийг дархлаажуулалтад идэвхтэй хамрагдах, халдвараас
урьдчилан сэргийлэхийг иргэдэд уриалж, энэхүү шийдвэрийн хэрэгжилтэд хяналт
тавьж ажиллахыг холбогдох байгууллагуудад үүрэг болгожээ.