Хөгжлийн бэрхшээлтэй 41 хүүхдийг сэргээн засах үйлчилгээнд хамруулав

ОРОН НУТГИЙН МЭДЭЭ | ХОВД
lkhagwa@montsame.gov.mn
2021-10-11 13:43:00

Ховд /МОНЦАМЭ/. Хөгжлийн бэрхшээлтэй 41 хүүхдийг сэргээн засах өдрийн үйлчилгээнд хамруулсан гэж Ховд аймгийн Хөдөлмөр, халамжийн үйлчилгээний газраас мэдээллээ.   

Тодруулбал, олон нийтийн оролцоонд түшиглэсэн халамжийн үйлчилгээг төрийн бус байгууллагаар гэрээлэн гүйцэтгүүлэх ажил үйлчилгээний хүрээнд Ивээл эмнэлэгтэй хамтран 2021 онд хөгжлийн бэрхшээлтэй 41 хүүхдэд хоёр ээлжийн дагуу орчин үеийн тоног төхөөрөмж бүхий сэргээн засах өдрийн эмчилгээ, үйлчилгээ үзүүлсэн байна.  

Тус үйлчилгээнд хамрагдсанаар хүүхдийн гар, хөлний хөдөлгөөн сайжирсан, шүлс гоожихоо больсон, нойронд сайн болсон. Нэг хүүхэд алхаж явдаг болсон гэх мэт үр дүн гарч байгааг зарим эцэг, эхчүүд ярьж байв.   

Холбоотой мэдээ