Халаалтын зуухнуудын засвар үйлчилгээтэй танилцаж, хяналт шалгалт хийв
ОРОН НУТГИЙН МЭДЭЭ | ГОВЬ-АЛТАЙГовь-Алтай /МОНЦАМЭ/. Алтай хотын 2021-2022 оны төв суурингийн өвөлжилтийн бэлтгэл хангах ажлын хүрээнд холбогдох албаны төлөөлллүүд халаалтын зуухнуудын засвар үйлчилгээ болоод өвөлжилтийн бэлтгэл ажилтай танилцаж, хяналт шалгалт хийв.
Тодруулбал, есдүгээр сарын 7-нд Говь-Алтай аймгийн ЗДТГ-ын Хөгжлийн бодлогын хэлтсийн дарга Ж.Мөнхцэцэг, Есөнбулаг сумын Дэд бүтэц эрхэлсэн орлогч дарга Ш.Насан, МХГ-ын Эрчим хүчний улсын байцаагч Д.Отгонжаргал, Ус, цаг уур орчны шинжилгээний албаны дарга Н.Алтантуяа, холбогдох албаны бусад мэргэжилтнүүд хамтран Алтай хотыг халаалт дулаанаар хангагч “Мандал Голомт” ХХК-ийн НХЗ-1, НХЗ-2, НХЗ-3, НХЗ-4, “Удмын-Ундраа” ХХК, “Ундрам-Оюу” ХХК-ийн өвөлжилтийн бэлтгэл ажил, зуухны засвар үйлчилгээг газар дээр нь үзэж, хяналт шалгалтыг хийлээ. Халаалт дулаан есдүгээр сарын 15-нд эхлэх тул энэ сарын 10-наас эхлэн хэрэглэгчдэд ээлж дараалан системийн ус шахах тул албан байгууллага, аж ахуйн нэгж, айл өрхүүд өөрсдийн шугам сүлжээний засвар үйлчилгээг бүрэн хийж дуусгах шаардлагатай байгааг анхааруулан мэдэгдсэн юм.