Жүдоч Л.Отггонбаатар 1/16-д шалгарлаа

МОНГОЛЫН МЭДЭЭ | СПОРТ
dusem11@yahoo.com
2021-07-29 11:05:54

Улаанбаатар /МОНЦАМЭ/. “Токио-2020” Зуны олимпын XXXII наадмын жүдо бөхийн эрэгтэйчүүдийн -100 кг жингийн барилдааны эхний даваанд ОУХМ Л.Отгонбаатар Эстонийн жүдоч Григори Минаскинтай барилдаж яллаа.


Тэрбээр Г.Минаскинтай барилдахдаа үндсэн цагтаа хэн хэн нь оноо авч чадаагүй бөгөөд нэмэлт цагтаа өмсөх мэхээр вазари үнэлгээ авч хожсоноор шөвгийн 16-д шалгарлаа. Түүний дараагийн учраа Израилын жүдоч, Европ тивийн 2020 оны аварга Петер Палтчик юм байна.


Эмэгтэйчүүдийн -78 кг жинд 2019 оны Хонгконг-д болсон "Азийн нээлттэй" тэмцээний мөнгөн медальт, Үндэсний шигшээ баг, ШШГЕГ-ын харьяа "Сүлд" спорт хорооны тамирчин ОУХМ Отгоны Мөнхцэцэг D хэсэгт эхний барилдаанаа 2020 оны Европын залуучуудын аварга, 2021 оны Ташкент, Тбилисийн Гранд Сламын хүрэл медальт Израилийн Инбар Ланиртай барилдаж, түүний хийсэн лав барьцнаас мордох мэхэнд цэвэр ялагдлаа. Ийнхүү ОУХМ О.Мөнхцэцэг тэмцээнээ дуусгаж байна.



Холбоотой мэдээ