С.Амарсайхан: Автозамын хяналтын нэгдсэн цахим системд шилжих хэрэгтэй

МОНГОЛЫН МЭДЭЭ | УЛС ТӨР
ariunbold@montsame.gov.mn
2021-02-24 08:05:36

Улаанбаатар /МОНЦАМЭ/. Улсын онцгой комиссын Шуурхай ажлын баг энэ сарын 23-нд хуралдаж, Гамшгаас хамгаалах бүх нийтийн бэлэн байдлын зэрэгт шилжсэн үед хэрэгжүүлсэн “Нэг хаалга-Нэг шинжилгээ”-ний нэгдсэн тайланг хэлэлцэв.


Нийт халдварын 122 тохиолдол, 33 далд голомт илрүүлсэн. Энэ нь голомтыг хумьж, тархалтыг бүрэн зогсоосон гэсэн үг биш тул иргэд, аж ахуйн нэгж, байгууллагуудад халдвар хамгааллын дэглэмийг дээд зэргээр сахиулах нь зүйтэй гэж үзлээ. Цаашид нийслэл, аймаг орон нутагт хэрэгжүүлэх ажлын зохион байгуулалт, эрсдэлийн үнэлгээ, автозамын хяналтын нэгдсэн цахим системд шилжих зэрэгт анхаарах хэрэгтэйг Монгол Улсын Шадар сайд, Улсын онцгой комиссын дарга С.Амарсайхан сануулав. Мөн иргэдэд аливаа мэдээ, мэдээллийг үнэн зөв, хоёрдмол утгагүй хүргэж байхыг үүрэг болгов.

Холбоотой мэдээ