Улаанбаатарт 21 чиглэлд 180 автобус үйлчилнэ
МОНГОЛЫН МЭДЭЭ | НИЙГЭМУлаанбаатар /МОНЦАМЭ/. Нийслэлийн хэмжээнд Гамшгаас хамгаалах бүх нийтийн бэлэн байдлын зэрэгт хэсэгчлэн шилжүүлсэн ч 14 салбар байгууллага өнөөдрөөс буюу 2 дугаар сарын 15-наас эхлэн ажиллаж байна.
Зөвшөөрөгдсөн
салбарын албан байгууллагуудын ажилтан, алба хаагчдыг нийтийн тээврээр
тээвэрлэх зохицуулалтыг хийлээ. Тодруулбал өнөөдрөөс 21 чиглэлд 180 автобус
явах бөгөөд өглөө 07.00-09.00, өдөр 12.00-15.00, орой 17.00-22.30 минут гэсэн цагийн
хуваарийн дагуу үйлчлэх юм.
Нийт 30 мянга орчим иргэнд үйлчилнэ гэсэн тооцооллоор энэ төлөвлөлтийг гаргасан. Шаардлага үүсвэл нэмэлтээр 20 автобус явуулахаар зохицуулалт хийнэ гэж НЗДТГ-ын Хэвлэл мэдээлэлтэй харилцах хэлтсээс мэдээллээ.